79. výročie SNP

 Obec Kamjunka a Slovenskyj zväz protifašistickych bojovnikyv Vas serdečňi pozyvajut na SLAVNOSTNYJ PIETNYJ AKT pri priležytosti 79. vyročia SLOVENSKOHO NARODNOHO POVSTAŇA.

Spominane podujaťa ša začne pri pamjatniku padlych v peršyj a druhyj švitovyj vyjňi v neďiľu 27. avgusta o 17-styj hodiňi a sučasťom toho aktu budut i členove občanskoho združyňa MOTORKARE SLOVENSKA zo svojom technikom, jak i členove Klubu vojenskoj historiji POPRAD-TATRY.

Program akciji obohaťat svojim vystupiňom i členove našych kamjunskych suboryv a tak sobi spoločňi dostojňi pripomjaneme jednu z najvekšych historickych udalostiv našoj Slovenskoj republiky.

V neďiľu o sedemnastyj hodiňi pozyvame šyroku verejnosť, rodiny s ďitma, molodu generaciju i pamjatnikyv. Pred cerkvom budut vystaveny motorky, ďiti ša budut močy povoziti, spoločňi sobi zaspominame na ľudiv, kotry položyli žyvot za našu slobodu, pokyj i mir na zemľi.

Iščy raz Vas mily Kamjunčane pozyvame na pietnyj akt ku pamjatniku padlych v neďiľu 27. avgusta 2023 o 17-styj hodiňi pri priležytosti 79. vyročia SLOVENSKOHO NARODNOHO POVSTAŇA.